Սպարտակ Ղուկասյանը ձերբակալվել է, լրատվամիջոցներին հայտնել են Քննչական կոմիտեից:

«Քննչական կոմիտեում նախաձեռնված քրեական վարույթի նախաքննության ընթացքում 1 անձի նկատմամբ հարուցվել է հանրային քրեական հետապնդում՝ Քրեական օրենսգրքի 297-րդ հոդվածի 2-րդ մասի 1-ին և 3-րդ կետերով (մի խումբ անձանց կողմից տեղեկատվական կամ հաղորդակցական տեխնոլոգիաներն օգտագործելով կատարված խուլիգանությունը)»,-հայտնել են ՔԿ-ից։

Ավելի վաղ փաստաբան Արամայիս Հայրապետյանը հայտնել էր, որ Գյումրիի քաղաքապետ Վարդան Ղուկասյանի որդուն՝ Սպարտակ Ղուկասյանին, դիմակավորված անձինք առևանգել և տարել են անհայտ ուղղությամբ։

Ըստ տեղեկությունների՝ Սպարտակ Ղուկասյանը ձերբակալվել է 2 օր առաջ իրենց իսկ գործով դատական նիստից հետո հնչեցրած արտահայտության համար․ «իրանց կնգտիք թող պատրաստվին»,-ասել էր նա: