Մարդիկ չունեին փորձ, չունեին գիտելիքներ, բայց հագել էին մի կոստյում, որը հաստատ իրենց վրայով չէր։ Անճարության մի զգացողություն էր, որ տեսնում ես, որ հայրենիքը կորցնում ես։ Այս մասին 5-րդ ալիքին տված հարցազրույցում ասել է Ռոբերտ Քոչարյանը՝ խոսելով 44-օրյա պատերազմի մասին։

«Հիմա չեն կրակում, որովհետև ինչ ուզում են, տալիս են»,-ասել է Քոչարյանը։

Նա նշել է, որ Նիկոլ Փաշինյանը ներքին չարության հսկայական ծավալ ունի։ «Իր մարմնի մեջ այդ չարությունը չի տեղավորվում, անընդհատ դուրս է տալիս։ Եթե ինքնա լինելու այդպեսա լինելու, մենք ներքին համերաշխություն ու կայունություն չենք ունենալու»,- ասել է նա։

Քոչարյանը նշել է, որ չի հավատում որևէ խաղաղության, որը ամրագրված չի երաշխիքային ինչ-որ մեխանիզմներով։

Հարցազրույցը հեռարձակվելու է նոյեմբերի 9-ին։