Starnews.am-ը գրում է․

Օրեր առաջ «Tete A Tete» հաղորդման հյուրն էր «Հայ Սուպերսթար 6» նախագծի հաղթող Արեգ Գալստյանը։

Արեգը պատմեց, որ դեռ 6 ամսականում ծնողները նկատել են տեսողական խնդիրը և սկսել են քայլեր ձեռնարկել այն բարելավելու ուղղությամբ։ Տարիների ընթացքում նա անցել է բազմաթիվ վիրահատությունների միջով, սակայն ավելի հասուն տարիքում արդեն պարզ է դարձել, որ տեսողության էական բարելավման հույսը շատ փոքր է։

Հաղորդման ընթացքում անդրադարձ կատարվեց նաև բժշկական սխալի թեմային։ Հարցին՝ արդյոք պատասխանատվության ենթարկվել են այն բժիշկները, որոնց գործողությունների արդյունքում տեղի է ունեցել տվյալ դեպքը, Արեգը պատասխանեց.

«Չէ… մենք չկարողացանք, չստացվեց լիարժեք ապացուցել, որ մեղավորությունը իրենցն է…»։

Հարցին, թե ում կամ ինչն է ամենաշատը ցանկանում տեսնել, Արեգի պատասխանը խորապես հուզիչ էր․
«Ամենաշատը կուզենայի տեսնել հենց հիմա այն մարդկանց, ովքեր այս ընթացքում տառապել են ինձնից ավելի շատ։ Խոսքը իմ ծնողների մասին է։ Ես հաստատ համոզված եմ, որ իմ ծնողներից շատ չեմ տառապել»։

Ամբողջական հոդվածը կարող եք կարդալայստեղ։